Tanymal sazger Erkesh Shákeev Almatyda joǵalyp ketken 25 jastaǵy uly Safar Shákeev búgin altynshy kún izdestirilýde, - dep habarlaıdy Qamshy.kz.

Safar Shakeev 16 shilde kúni tańǵy 7-lerde joǵalǵan. Sońǵy ret ony Seıfýllın kóshesimen joǵary Ál-Farabıden ótip bara jatqanda kórgen. Remızovka aýdanyna qaraı bet alǵan bolatyn. 

Búgin tańǵy saǵat 10.00-den beri eriktiler Safardy izdestirýge kiristi. "Búgin biz ony Remızovka jaqtan izdeımiz. Sebebi, biz Safardy ózen boıymen joǵary qaraı úıine bara jatty dep oılaımyz" degen eriktiler osy aýdannyń turǵyndaryn vıdeotirkegishke nemese vıdeobaqylaýǵa 17 shildede tańǵy saǵat 7.30-dan túski 12.00-ge deıingi ýaqytta túsirilgen vıdeolaryn joldaýdy jáne osy aýmaqta sol ýaqytta ótken avtokólik ıelerin vıdeotirkegishterindegi jazbalardy óshirmeýin suraıdy.

Aıta keteıik, iz-túzsiz joǵalǵan Safar Shákeevti 50 polıseıden turatyn mobıldi top izdeýde. İzdestirý óndirisi aıasynda Medeý aýdandyq İİB bólimshesiniń qyzmetkerleri jáne Almaty qalalyq İİD Krımınaldy polısıa Basqarmasynyń ókilderinen arnaıy tergeý-jedel toby quryldy. Sondaı-aq, izdeý sharasyna 15 ýchaskelik polısıa qyzmetkerleri de jumyldyrylǵan.