Birneshe kúnniń aldynda ǵana AQSH prezıdenttigine Respýblıka partıasynan usynylǵan kandıdat Donald Tramptyń áıeli dúıim jurttyń aldynda plagıat jasady, - dep habarlaıdy Qamshy.kz tilshisi.  

8 jyl buryn Barak Obamanyń áıeli Mıshel Obamanyń jurt aldynda sóılegen sózderin Donald Tramptyń áıeli Melanıanyń sózbe-sóz qaıtalaǵany jaıyndaǵy uıatty jańalyq álem aqparat quraldarynda keńinen tarap ketti.

Men de bul aqparatty alǵash ret kórgen kezde Illınoıs shtatyndaǵy jaldamaly páterimde úı tapsyrmalarymdy qarap otyrǵan edim. Jańalyqty alǵash kórgende eriksiz myrs ettim: osy oqıǵadan eki kún buryn ǵana, ózderiniń ıdeologıasyn tyqpalaǵannan sharshamaıtyn múǵalimim plagıat jaıynda arnaýly bir saǵat sóılegen edi. Sózderiniń dáleli retinde Garvard ýnıversıtetinde oqıtyn Kaavá Vıshvanatan (úndi-amerıkan)  degen stýdenttiń  plagıat jasaǵany jaıynda aıtyp edi. Amerıkandyq apaıym atalǵan stýdenttiń plagıat jasady delingen kitaptarynyń barlyǵynyń basylymdardan shektelgendigin jáne onyń Garvard ýnıversıtetinen ózdiginen oqýdan shegingendigin aıta kelip, Amerıkada plagıat jasaýshynyń «jazalanatynyn» aıtqan edi.

Ol kezde men de óz pikirimdi bildirip, plagıattyń búkil dúnıede qabyldanbaıtyndyǵyn aıtqan edim. Alaıda, amerıkandyq apaıym kelispegen syńaı tanytqan bolatyn. Sonsha tabandap, «Amerıkada ǵana osylaı»,- degen pikirinde qalǵan apaıymnyń sabaǵynan eki kún ótpeı jatyp, «Erteń prezıdent bolady-aý»,- degen adamnyń áıeli dúıim eldiń aldynda plagıat jasap masqara boldy. Endi kelergi sabaqta apaıymdy qalaı kórer ekem?-dep amerıkandyq múǵalimim úshin uıalyp otyrmyn.

Talǵar Dálelǵazy       

Chıkago, AQSH