Jumyssyzdardy Keńestik zamandaǵydaı qaıta jazalaý kerek degen pikirdi Óskemen qalalyq máslıhattyń kezekti otyrysynda usynyldy.

- Kún saıyn jumyssyzdyqpen kúres barysynda, keńestik kezeńdegi jumyssyz júrgen úshin adamdar berilgen jazany qaıta jandandyrý kerek pe degen oıǵa oralady, - dedi Óskemen qalalyq jumyspen qamtý jáne áleýmettik baǵdarlamalar bóliminiń basshysy Maýlıhat Jaqsylyqovna.

Qalalyq máslıhattyń depýtaty, zań ǵylymdarynyń doktory Qýat Rahımberdınniń pikirinshe, adamdy jumys isteýge kúshteý adamnyń konstıtýsıalyq jáne halyqaralyq quqyqtaryn buzady. Degenmen túrmeden jańa bosap shyqqan adamdar temir tordyń ar jaǵyna qaıta qylmys jasap oralady.

- Qylmystardyń 70%-yn qylmysker túrmeden bosap shyqqan kúni jasaıdy. Óıtkeni olardyń negizgi problemalary qoǵamda jáne eńbek naryǵynda áleýmettik turǵyda ıkemdelip, beıimdelý qıyndyq týǵyzady, - dedi Qýat Rahımberdın.

Búgingi tańda qalamyzda qylmystyq-atqarý júıesindegi departamenttiń altaýy ornalasqan. Tek 2015 jyly ol jerden 460 adam bosap shyqty. Jumyspen qamtý bólimine olardyń barlyǵy júgindi. 159 adam jumyssyz retinde tirkelse, olardyń 123-i jumyspen qamtamasyz etildi.

- Bul óte aýqymdy másele. Alaıda bizde mamandar jetispeıdi. Sondyqtan biz jumyspen qamtý basqarmasyna Polsha eliniń tájirıbesimen almasyp kórýdi usyndyq. Bul elde qarajat úkimettik emes uıymdarǵa bólinip, áleýmettik jáne qoǵamdyq qyzmetkerler túrmeden bosap shyqqandardyń keleshek taǵdyrymen solar aınalysady, - dedi Maýlıhat Qusaınova.

Bostandyqqa shyqqandardyń máselelerimen, ıaǵnı, qujattardy retteý jáne jınaqtaý, áleýmettik beıimdelýi, jumyspen qamtylýy, kásibı bilim alýlary jáne áleýmettik-quqyqtyq kómekti memlekettik emes uıymdar kórsetetin bolady.

«Ýstınka-plús» aqparattyq portaly