Bıyl SHQO-nyń Ulan aýdanyndaǵy Sıbın kólinde týrızmdi damytý boıynsha keshendik jospardy jasaýǵa kiristi. Osylaısha, 3 sý qoımasynda týrıstik bazany qurý josparlanýda, dep aýdan ákimi Dáýlet Batyrbaev málim etti.
Onyń aıtýynsha, týrbazanyń erekshelikteriniń biri tek jaqsy servıs, yńǵaıly pırs pen turaq bolyp qana qoımaıdy, sonymen qatar etnoaýyldar bolady jáne olar jaǵalaýda ornyǵady. Bul jerge kelgen týrıser qolónermen tanysyp, ony jasaı alady, ulttyq taǵamnyń dámin tatady.
«Týrızmdi damytý boıynsha keshendik josparda «Shalqar» Sibin kólinde demalys bazasyn qurý josparlanǵan. Joba 20016 jyldan bastap 2018 jylǵa deıin iske asady. Qazirgi kúni qonystandyrýshylyq jumystary jasaldy, kóldiń túbi men jaǵalaýy qoqystardan tazartyldy»,-dedi aımaq basshysy.
D. Batyrbaevtyń aıtýy boıynsha, jobanyń tujyrymdamasy iri masshtabdy jazǵy týrısik festıválderdi ótkizý úshin týrısik bazany qurýdy qarastyrady.
Jańa demalatyn bazada yńǵaıly turaqty qamtamasyz etedi. Sonymen qatar, kólge aparatyn eki yńǵaıly pırs ornatylady, sporttyq, oıyn alańdary, jýynatyn bólmeler, sanıtarlyq torap, sheshinetin bólmeler ornalastyrylady.
Demalys bazasynyń ereksheligi - jaǵalaýda etnoaýyldyń bolýy. Bul jerde týrıser óz betterinshe qolónermen tanysyp, ony jasap kóre alady, sondaı-aq ulttyq taǵamnan dám tatady.
Aýdan ákimdiginde habarlaǵandaı, demalys ortalyǵymen serýendeýge jáne velotýr úshin baǵyttardy, jylqy jáne kvadrosıklmen júretin baǵyttar salynady.
Sonymen qatar, Duboǵaly kólinde mýnısıpaldyq jaǵajaı jasalýda.
Aıta ketetin jaıt, aımaq aýdanynda Buqtyrma sý qoımasy, Shybyndy, Sibin jáne Duboǵaly kóli ornalastyrylǵan. Aýdanda 27 demalys bazasy bar. Ótken jyly bul jerlerge 16520 adam demalýǵa kelgen, olardyń ishinde 8000-y Reseı Federasıasynan kelgen týrıser, dep jazady strategy2050.kz.
