Múnhendegi atystan zardap shekken qazaqstandyqtar joq. Bul týraly Syrtqy ister mınıstrliginiń baspasóz jetekshisi Ánýar Jaınaqov málimdedi, - dep habarlaıdy Qamshy.kz 24.kz-ke silteme jasap.

Esterińizge sala keteıik, keshe keshkisin Múnhendegi «Olımpıa» saýda ortalyǵynyń janynda belgisiz bireý atys ashyp, qaza tapqandar 10-ǵa jetti. Taǵy 21-i jaralanǵan. Arasynda balalar bar. Zardap shekken 3 adamnyń háli múshkil. Keń aýqymdy arnaıy operasıa túni boıy júrgizildi. Bavarıaǵa kórshiles federaldy aımaqtardan, tipti Avstrıadan qosymsha kúsh tartylǵan. Polısıanyń málimeti boıynsha kúdikti Germanıa men Iran azamattyǵy bar tegi parsy, 18 jastaǵy jigit. Ol jalǵyz ózi oq jaýdyrǵan. Onyń jansyz denesi atys ornyna jaqyn mańnan tabyldy. Múnhende tótenshe jaǵdaı jarıalanyp, kólik qozǵalysy toqtatyldy. Berlınde búgin kansler Angela Merkeldiń qatysýymen qaýipsizdik keńesiniń otyrysy ótpek. Nemis polıseıleri kúsheıtilgen jumys rejımine kóshirildi.