Búgin Qazaqstan Respýblıkasy Premer-Mınıstriniń orynbasary - Aýylsharýashylyq mınıstri Asqar Myrzahmetov jumys saparymen Atyraý oblysyna bardy, - dep habarlaıdy Qamshy.kz.
Jumys sapary sheńberinde oblys ákimdiginiń alańynda Atyraý oblysy aýyl sharýashylyǵynyń aǵymdaǵy jaǵdaıy jáne damý perspektıvalary máseleleri boıynsha keńes ótti. Keńeste oblystyń aýyl sharýashylyǵy taýar óndirýshileri, oblys ákimi jáne onyń orynbasarlary, sonymen qatar aýdan ákimderi jáne jergilikti jáne ortalyq memlekettik organdardyń aýmaqtyq bólimsheleriniń basshylary, «Atameken» UKP, «KazAgro» UBH» AQ jáne onyń enshiles uıymdarynyń ókilderi qatysty.
Keńestiń ótkizý barysynda aýyl turǵyndaryn jumyspen qamtý jáne sút qabyldaıtyn oryndardy jáne otbasy bordaqylaý alandaryn qurý arqyly aýyl sharýashylyǵy ónimderin óndirý men ótkizý jumysyn ortalyqtandyrýdy uıymdastyrý maqsatynda aýyl sharýashylyq kooperatıvterine jeke qosalqy sharýashylyqtardy biriktirý jolymen jeke qosalqy sharýashylyqtarynyń múmkindigin paıdalaný esebinen qaıta óńdeý kásiporyndarynyń qýattylyǵyn júkteý boıynsha sharalardy iske asyrý máseleleri talqylandy.
Mınıstr salany qosymsha qarjylandyrý boıynsha qabyldanatyn sharalar, sýbsıdıalaý júıesin jetildirý boıynsha sharalar jáne agroónerkásiptik keshenge ınvestısıalyq tartymdylyqty arttyrý týraly málimdedi.
Sondaı-aq, aımaqta ınvestısıalyq jobalardy iske asyrý, ásirese mamandandyrý syzbasyna sáıkes kelýin jáne óndiristik qýattylyǵynyń bar bolýy, sonymen qatar organıkalyq ónimder naryǵyn damytý máseleleri talqylandy.
Keńes qorytyndysy boıynsha Asqar Myrzahmetov agroónerkásip keshenin damytýǵa baǵyttalǵan jumystardy belsendirý boıynsha birqatar naqty tapsyrmalar berdi.
Búginde Atyraý oblysy boıynsha 20,9 myńnan astam turǵyndary ózin-ózi jumyspen qamtyǵan bolyp esepteledi, onyń ishinde 14,8 myń adam ónimdi jumyspen qamtylǵan, jeke qosalqy sharýashylyqtarda 80 %-dan astam sút jáne 80 %-dan astam et óndiriletinin aıta ketken jón.
