Atyraý oblysynyń Mahambet aýdandyq sotynda ózgeshe azamattyq is qaraldy. Qudalar kelin jasaýyna talasypty, - dep habarlaıdy Qamshy.kz Aq Jaıyqqa silteme jasap.

Jastar birge tura bastaǵan, biraq resmı túrde nekelerin tirkemepti. Biraz ýaqyt ótkennen keıin ene men kelin arasynda túsinispeýshilik týyndaýy sebepti qyz óz úıine ketip qalǵan. Qyzdyń anasy áli quda bolyp úlgermegen úıden qyzynyń jasaýy retinde berilgen zattaryn qaıtaryp almaq bolady. Al, olar quny 24 myń teńge turatyn hrom men áınekten jasalǵan eki vazadan basqasyn qaıtaryp beredi. Qyzdyń ata-anasy osyǵan qatysty sotqa talap-aryz bergen.

Mahambet aýdandyq sotynyń baspasóz qyzmeti habarlaǵandaı, «sot otyrysy barysynda taraptar medıasıa kómegimen kelisimge keldi: burynǵy qudalar ydysty qaıtardy, al talap-aryz berýshiler óz talaptarynan bas tartty. Sot is júrgizýdi toqtatyp, medıatıvtik kelisimdi bekitti».

Sot uıǵarymy zańdy kúshine endi.