Almatyda eriktiler taýyp alǵan jadynan aıyrylǵan jigitti anasy izdep keldi, - dep habarlaıdy Qamshy.kz.
Bul týraly Safar Shakeevti izdeý barysynda aqyl-esinen aıyrylǵan jigitti taýyp alǵan eriktilerdiń biri, belsendi Beknur Qısyqov Feısbýk paraqshasynda jazdy.
-Búgin jaqsy habar boldy. Safar Shakeevti izdep júrip, kezdeısoq tabylǵan jigit anasymen qaýyshty. Jigittiń esimi - Mahmud Alınov. Anasy Semeıden keldi. Endi Safar Shakeev te aman-esen tabylsa eken deımiz. Onyń tileýin tilep alys-jaqyn shet elderden de hat jazyp jatqandar bar, - dep jazdy Qısyqov.
Aıte keteıik, anasymen qaýyshqan naýqas jigit №7 aýrýhanada jatyr. Ony kólik qaǵyp ketken. Amnezıa. Jasy shamamen 30-da.
