Qazaqstandyq aýyratlet Almas Óteshovtiń 2012 jylǵy London olımpıadasy kezinde tapsyrǵan dopıng-synamasynan tyıym salynǵan preparat tabyldy. Bul týraly aqparat Halyqaralyq aýyr atletıka federasıasynyń resmı saıtynda 27 shilde kúni jarıalandy, - dep habarlaıdy Qamshy.kz Skifnews.kz – ke silteme jasap.

Óteshovtiń dopıng-synamasynan anabloıktik steroıdtar tabylǵan, atap aıtqanda, degıdrohlormetıltestosteron men stanazolol. 2012 jylǵy Olımpıada oıyndarynda ol jetinshi oryn alǵan bolatyn.

Aıta keteıik, buǵan deıin WADA mamandary Óteshovtiń 2015 jylǵy Álem chempıonaty kezinde tapsyrǵan synamasynan da tyıym salynǵan preparattardy anyqtaǵan edi.

Qazaqstandyq aýyratletten ózge Reseı, Moldavıa, Túrkıa, Armenıa, Grýzıa jáne Ázirbaıjannyń sportshylarynyń da dopıng paıdalanǵany anyqtalǵan. Atap aıtqanda, 2012 jyly Londonda Ilá Ilınnen jeńilip, ekinshi oryn alǵan reseılik Aleksandr Ivanov ta «qara tizimde».