Búgin Almatyda Safar Shákeevti aqtyq saparǵa shyǵaryp salý rásiminde marqumnyń ákesi ulyn izdeýge atsalysqan azamattarǵa alǵys bildirdi, - dep habarlaıdy Qamshy.kz tengrinews.kz – ke silteme jasap.

Marqumnyń janazasy Almatydaǵy «Qazaqkonsert» shyǵarmashylyq birlestiginiń ǵımaratynda ótti. Sharaǵa jınalǵandar marqumnyń otbasyna kóńil aıtty.

«Onyń ómirlik josparlary kóp bolatyn. ol Amerıkanyń kıno ınstıtýtyna túsýge oqtalyp júrdi. Birinshi týrdan ótkenimen, áli 3 jyl tájirıbe kerek boldy», - degen Erkesh Shákeev jınalǵan jurtqa alǵys bildirip, dostyq, súıispenshilik uǵymdaryn joǵary baǵalaý kerektigin jetkizdi.

«Safar kerek emes jerge, kerek emes ýaqytta baryp qaldy (...) Sizderdiń balalaryńyz dosty durys tańdasyn, aýrasy nashar adamdarmen dos bolmasyn. Olar birden bilinedi (...). men bizdiń jaǵdaıymyzdan, bastan keshken qıyndyqtarymyzdan sabaq alyp, sizderdiń bir-birlerińizdi jaqsy kórgenderińizdi qalaımyn. Bul ómirde mahabbattan basqa eshteńe joq, qalǵanynyń bári ıllúzıa, jalǵan uǵymdar. Meniń ákelik, aǵalyq keńesim: bir-birińizdi jaqsy kórińizder, qushaqtańyzdar, súıińizder, dostaryńyzdy baǵalańyzdar», - dedi ol.