Aqtóbelik kásipker Haırolla Smaǵulov  9 jastaǵy qyzymen 40 jastaǵy áıelin óltirýge tapsyrys bergen,  - dep habarlaıdy Qamshy.kz oblystyq sottyń baspasóz qyzmetine silteme jasap.

Belgili bolǵanyndaı, Aqtóbe qalalyq soty kásipkerdiń áıelimen ajyrasýyna baılanysty kámilet jasyna tolmaǵan qyzyna alıment tóleýdi mindettegen. Al alımentten jaltarǵan kásipker A.Tólegenov esimdi tanysyna kisi óltirýdi tapsyrǵan.

Batys Qazaqstan oblystyq mamandandyrylǵan aýdanaralyq soty H.Smaǵulovty QR Qylmystyq kodekstiń  28 baptyń 3 bólimi, 24 baptyń 3 bólimi, 99 baptyń 2 bólimi jáne 1, 7, 8, 14 tarmaqshalary boıynsha (kisi óltirýdi uıymdastyrý, eki tulǵa arasynda jasalǵan kelisimmen kisi óltirýge oqtalý, uıymdasqan qylmystyq top jáne kámilet jasqa tolmaǵan tulǵa qatysty)  kináli dep tanylyp, 15 jylǵa bas bostandyǵynan aıyrylyp, qatań  rejımdegi kolonıada jazasyn óteýge sot úkimi shyqty. 

Al A.Tólegenov 28 baptyń 5 bólimi, 24 baptyń 3 bólimi, 99 baptyń 2 bólimi jáne 1, 7, 8, 14 tarmaqshalary boıynsha (qasaqana kisi óltirýge oqtalý) kináli dep tanylyp, 15 jylǵa bas bostandyǵynan aıyryldy. Tapsyrys oryndaýshyǵa  jalpy rejımdegi kolonıada jazasyn óteýge sot úkimi shyqty. QR Qylmystyq kodekstiń  14 baby 2 bólimi boıynsha A.Tólegenovtyń is-áreketi qaıtalaný qaýipi bar dep tanylǵan.

BQO apelásıalyq soty jábirlenýshi men advokattardyń shaǵymy qanaǵattandyrýsyz dep tanylyp, birinshi sottyń sheshimi ózgerissiz qaldyryldy.

Sot sheshimi zańdy kúshine endi.