Oǵash qylyq tanytyp kózge túsken juldyzdardan kimdi bilesiz? Bul suraqqa 31-arnadaǵy «Juldyzdar jarqyraıdy» baǵdarlamasy jaýap izdepti.
Shoý-bızneste dańq pen daqpyrttyń salqyny tıip, basy daýǵa qalǵan tanymal juldyzdar jeterlik. Osydan birneshe jyl buryn sportshy jigitpen judyryqtasqan ánshi Beıbit Qorǵan bar. Al myna kadrler Qaırat Túntekovtiń jadynda máńgi qalatyny anyq. Sebebi, ánshi jol apatyn jasap, sonyń saldarynan birtalaı shyǵynǵa batqan bolatyn. Al, 2014 jyldyń jaz aıynda "Daýys International" tobynyń eks múshesi Jadyra Qutpanova ózine kópshiliktiń nazaryn aýdardy. Ol kólikti ishimdikke toıyp alyp júrgizgen. Tipti, boıjetken polısıa qyzmetkeriniń biriniń qolyn tistep, endi biriniń shalbaryn jyrtqan.
Jaqynda el ishindegi áńgimege aınalǵan óner juldyzdarynyń qataryna ánshi Tóreǵalı Tóreáli de qosyldy. Shymkent qalasynda kilem fabrıkasynda bir tilshiniń jasaǵan eskertýi shamyna qatty tıse kerek, Tóreǵalı suhbat berýden bas tartady. Ánshiniń bul áreketin estigen áriptesteriniń biri ony qoldap jatsa, endi biri synǵa alyp jatty.
Qydyráli Bolman, prodúser:
- Biz bir robot sıaqtymyz. Júregimiz joq, oılanbaıtyn, qınalmaıtyn, jaǵdaıymyz joq adamdar sıaqtymyz da, muńsyz, qaıǵysyz, ár adamnyń kóńil-kúıi bolady.
Merýert Túsipbaeva, ánshi:
- Mádenıetti kóterip júrgen aıtysqa qatysyp júrgen men túsinemin eger ol oryssha jigit bolsa, qazaq tilin jaqsy biledi, qyz balaǵa dórekilik kórsetkeni meniń júregime aýyr tıedi.
Sahnada 40 jyldan astam ýaqyt óner kórsetken Qazaqstannyń Eńbek sińirgen ártisi Maıra İlıasovabúgingi jas óner ıeleri syndy erke minezimizdi syrtqa shyǵaryp kórmeppiz deıdi. Tipti, tanymal ekenin ánshi endi ǵana sezinip júrgenin jetkizdi.
Maıra İlıasova, ánshi:
- Ózimizdiń ataqty ekenimizdi endi sezinip jatyrmyz. SKL Astanadan qatty bilinedi. Almatyda turǵanan keıin kúnde kórip júrgen sıaqty. Al, Astanada syrtyńnan júgirip keledi, syrtyńnan kelip qushaqtaıdy.
Bir kezderi atynan at úrketin «Baýyrjan - shoý» ázil-syqaq teatrynyń beldi aktrısasy Baqyt Álipbaeva jıi daý-damaı shyǵaryp, «juldyz» atanyp basyna qonǵan baǵyn baǵalamaıtyndardy esh túsine almaıdy eken.
Baqyt Álipbaeva, «Baýyrjan-shoý» syqaq teatrynyń aktrısasy:
- Bizde ondaı kókirek kóterý, tipti juldyz bolǵandy da shynynda aıtsaq sezingen de joqpyz.
Ánshi Merýert Túsipbaeva óner jolynda qazirgideı deńgeıge jetý úshin biraz qıyndyq kórgenin de jasyrmaıdy.
Merýert Túsipbaeva, ánshi:
- Ne kıip shyǵamyn dep júretinbiz. Qaltamyzda aqshamyz joq bolatyn.
Shoý-bızneske sátti jobalarymen ózgeris engizgen prodúser Qydyráli Bolmanov ta ózin tym qarapaıym ustaıtyn bolyp shyqty. 20 jyldan beri shash úlgisin tek bir ǵana shashtarazǵa jasatatynyn aıtady.
Qydyráli Bolmanov, prodúser:
- Ne qylamyn ekinshi adamdy, anaý barlyǵyn biledi de. Júregimdi de, sharshasam basynan syıpaıdy.
Eldiń súıispenshiligi men suranysyna ıe bolyp júrgen shoý-bıznes ókilderi úshin qasyqtap jınaǵan abyroıyn shelektep tógý ońaı. Alaıda, keıin ózine adal atyn qaıtarýy áldeqaıda qıyn ekeni jasyryn emes.
