Tanymal otandyq bıznesmen Marat Jupqazıev besinshi tamyz kúni Taılandtan elimizge ekstradısıalandy, - dep habarlaıdy Qamshy.kz QazAqparatqa silteme jasap.

Bas prokýratýra jáne Memlekettik kirister komıtetiniń qyzmetkerleri Qazaqstan Respýblıkasynyń Taılandtaǵy elshiliginiń qoldaýymen Qazaqstan azamatyn qylmystyq jaýapkershilikke tartý úshin ekstradısıalady. Bul týraly Qazaqstan Respýblıkasy Bas prokýratýrasynyń baspasóz qyzmetinen habarlady.

36 jastaǵy Marat Jupqazıev ekonomıkalyq qylmystar jasaǵany úshin Ońtústik Qazaqstan oblysy boıynsha Memlekettik kirister departamentiniń izdeýinde bolǵan. Ol qylmystyq top quramynda birneshe jalǵan kásipkerlik qurǵany, búdjetke salyq tóleýden jaltarýǵa jaǵdaı jasaýy nátıjesinde memleketke asa iri mólsherde, 4 mlrd. teńge somasynda zalal keltirgeni úshin aıyptalýda.

Qazirgi ýaqytta Jupqazıev Almaty qalasynyń tergeý ızolátoryna qamaýǵa alyndy.