Qazaqstandyq dzúdoshy, 60 keli salmaq sanatyndaǵy Eldos Smetov Rıo-de-Janeırodaǵy Olımpıada oıyndarynyń kúmis júldegeri atandy, - dep habarlaıdy Qamshy.kz QazAqparatqa silteme jasap.

Ol fınalda reseılik balýan Beslan Mýdranovpen beldesip, negizgi ýaqytta teń dárejede óner kórsetti. Ókinishke qaraı qosymsha ýaqyttyń sońǵy sekýndtarynda reseılik sportshy aılasyn asyryp ketti. 

Osylaısha Eldos Smetov Rıo olımpıadasynyń kúmis júldegeri atandy.

Eldostyń bul júldesi olımpıadanyń alǵashqy kúni Qazaqstan qorjynyna túsken ekinshi medal. 

Eldos Smetov - qazaqstandyq dzúdoshy, halyqaralyq dárejedegi Qazaqstannyń sport sheberi, 2015 jylǵy álem chempıony, 2010 jylǵy jastar arasyndaǵy álem chempıony, 2013 jylǵy Azıa chempıonatynyń qola júldegeri. Ol 1992 jyly 9 qyrkúıekte Tarazda dúnıege kelgen. 

Esterińizge sala keteıik, 2008 jyly Beıjiń Olımpıadasynda taǵy bir qazaq ulany Asqat Jıtkeev dzúdodan Olımpıadanyń kúmis júldegeri atanǵan bolatyn. Eldos kúrestiń osy túrinen táýelsiz Qazaqstan tarıhyndaǵy qazaq balasynan shyqqan ekinshi Olımpıada júldegeri atandy.