QR Mádenıet jáne sport mınıstri Arystanbek Muhamedıuly Eldos Smetov pen Galbadrah Otgonsesegti Rıo Olımpıadasyndaǵy jeńisterimen qutyqtady, - dep habarlaıdy Qamshy.kz QazAqparatqa silteme jasap.

Rıo Olımpıadasynyń alǵashqy kúni Qazaqstan qorjynyna bir qola, bir kúmis medal tústi. Onyń alǵashqysyn dzúdodan 48 kelide óner kórsetken arýymyz Galbadrah Otgonseseg jeńip alsa, ekinshi kúmis medaldi erler arasynda 60 kelide el namysyn qorǵaǵan dzúdshymyz Eldos Smetov qanjyǵasyna baılady.

Osy jeńisterden keıin QR Mádenıet jáne sport mınıstri  Arystanbek Muhamedıuly eki júldegerimizdi arnaıy quttyqtady.

Quttyqtaý barysynda ol Olımpıadanyń birinshi kúni jeńip alǵan eki medaldi úlken jetistik dep baǵalady.

"Bizdiń sportshyylarymyz Olımpıadanyń birinshi kúni eki medal jeńip aldy. Bul - úlken jetistik. Osydan-aq, Qazaqstan sportshylarynyń Olımpıadaǵa úlken daıyndyqpen kelgenin baıqaýǵa bolady. Eldostyń fınalǵa deıin jetýi bizge úlken qýanysh syılady. Bul - qazaq eliniń qýanyshy. Osyndaı jarqyn jeńisterińmen bizdi qýantqan sizderdi shyn júregimmen quttyqtaımyn", - dep atap ótti mınıstr.

Esterińizge sala keteıik, Qazaqstannan Rıo olımpıadasyna  bokstan 12 sportshy (on jigit pen eki qyz), erkin kúresten - 5, grek-rım kúresinen - 3, áıelder kúresinen - 4, tas joldaǵy velojarystan - 2, velotrekten - 1, kórkem gımnastıkadan - 1, akrobatıkadan - 1,qaıyqta eskek esýden - 2, baıdarka jáne kanoeden - 11, kedergiler arqyly eskek esýden -1, dzúdodan - 6, jeńil atletıkadan - 26, sýǵa júzýden - 3, mánerlep júzýden - 2, bessaıystan -2, sadaq atýdan - 2, nysana kózdeýden - 5, taekvondodan - 3, tenısten  - 2, ústel tenısinen -1, aýyr atletıkadan - 8 jáne semserlesýden - 1 adam qatysyp, jalpy 104 sportshy el namysyn qorǵap jatyr.