Kıkboksshy Azamat Nurpeıisovtyń emine jınalǵan qarjyny urlaǵan adam ustaldy, - dep habarlaıdy Qamshy.kz "Qazaqstan jańalyqtaryna" silteme jasap.
Aýyr naýqastan qaıtys bolǵan kıkboksshy, Qazaqstan jáne Azıa chempıony Azamat Nurpeıisovtyń emine dostary, týystary, janashyrlary men jankúıerleri qarjy jınaǵan bolatyn. Jınalǵan qarjy alaıaqtyq jolmen qoldy bolǵan. 6 mıllıon teńgeni qoldy qylǵan 1993 jyly týǵan OQO turǵyny ustaldy.
SQO İİD málimetinshe, qazir kúdikti qamaýǵa alynǵan. Belgili bolǵanyndaı, ol buǵan deıin de alaıaqtyq isi boıynsha jazasyn ótegen eken.
Aıta keteıik, Azamat Nurpeıisov – halyqaralyq deńgeıdegi sport sheberi. Ol Qazaqstannyń birneshe dúrkin chempıony ári kýbok ıegeri. 2009 jyly Italıada ótken Álem chempıonatynyń kúmis júldegeri. 2011 jyly Irlandıada ótken Álem chempıonatynyń qola júldegeri. 2013 jyly Túrkıadaǵy Álem chempıonatynda kúmis medal alǵan.
2015 jyldyń qyrkúıeginde sportshyǵa 4 –shi dárejeli ókpe týberkýlezi degen dıagnoz qoıyldy.Azamat Nurpeıisov bir jyl boıy aýrýhanada jatyp, aýyr dertten qaıtys boldy. Osy jyldyń tamyzynda ol 28 jasqa tolatyn edi. Azamattyń artynda áıeli men eki jasar balasy qaldy.
