Qapshaǵaıda mektep mańyna kómilgen náreste tabyldy, - dep habarlaıdy Qamshy.kz Almaty oblystyq İİD baspasóz qyzmetine silteme jasap.
Kómilgen jańa týǵan náresteni balalar taýyp alyp, ata-analaryna aıtqan. Jergilikti turǵyndar polısıaǵa habar bergen.
"Náreste búgin 1-shi yqshamaýdandaǵy №2 mektep-gımnazıasynyń stadıonynda tabyldy. Ony kómip tastaǵan. Náreste jastyqqapqa oraýly boldy" degen İİD baspasóz qyzmetindegiler náresteniń ul bala ekenin aıtady.
Atalmysh is boıynsha, QR Qylmystyq Kodeksiniń 99-baby 2-bóligi boıynsha sot aldy óndiris bastaldy. Anasynyń kim ekenin anyqtaý maqsatynda jumystar júrgizilip jatyr.
