«Biryńǵaı jınaqtaýshy zeınetaqy qorynan» tartylǵan 15 mlrd teńgeni «Qazaqstannyń damý banki» «EKSPO-2017» aýmaǵyndaǵy nysandar qurylysyna jumsaıdy, - dep habarlaıdy Qamshy.kz «Astana» arnasyna silteme jasap.
Aqparatta «Qazaqstannyń damý banki» KASE qoryna oblıgasıalar ornalastyrý arqyly shilde-tamyz aılarynda «Birtutas jınaqtaýshy zeınetaqy qory» AQ-nan 117,5 mlrd teńge aldy. Onyń 15 mıllıardy Astanada «EKSPO-2017» nysandary qurylysyna, 17,5 mlrd teńge otandyq óndiristi «Qazaqstan damý banki-Lızıng» AQ arqyly lızıńtik qarjylandyrýǵa jumsalady. Qalǵan qarjy 2016-17 jyldary ekonomıkalyq ósimdi yntalandyrý men halyqty jumyspen qamtý jónindegi is-sharalar josparyn iske asyrýǵa jeke kásipkerlik nysandaryn qarjylandyrýǵa jumsalmaq», - delingen.
Al, «Astana-EKSPO-2017» kompanıasynyń ókili zeınetaqy qorynyń qarjysy tartylatyn nysandar kórme pavılondary emestigin aıtady. Sondaı-aq bul nysandar 174 ga aýmaqtyń nebári 25 gektaryn ǵana alyp jatyr eken. Iaǵnı qarjy halyqaralyq kórme kesheni aýmaǵyndaǵy ózge ǵımarattar qurylysyna jumsalmaq.
Sergeı Kýıanov, «EKSPO-2017» UK buqaramen baılanys departamentiniń dırektory:
- Bul turǵyn úıler - «Mega» saýda oıyn-saýyq ortalyǵy jáne basqa da birqatar nysandar. EKSPO aýmaǵynda ornalasqanymen, olar ınvestısıalyq nysandar bolyp tabylady. Bizdiń kompanıaǵa qatysy joq. Bul aqshany kompanıaǵa ınvestorlar saldy.
Zeınetaqy qorynyń qarjysyn «Qazaqstannyń damý banki» qashan jáne qandaı ósimmen qaıtarady? Oǵan qosa qarajat qaı kompanıalarǵa qansha paıyzben qaryzǵa beriledi? Osy suraqtarǵa jaýap alýǵa bankke habarlastyq. Qarjy uıymynyń baspasóz qyzmeti jaqynda tolyq málimet beriledi dep sendirdi.
