Túrkimenstan prezıdentiniń arnaıy nusqaýy boıynsha, túrkimen-túrik ýnıversıteti jabylyp, onyń ornyna Oǵyzhan atyndaǵy Tehnologıalyq ýnıversıteti quryldy, - dep habarlaıdy Qamshy.kz centralasian.org - ke silteme jasap.

Habarlarǵa qaraǵanda, ýnıversıtet stýdentteri eldegi basqa da joǵarǵy oqý oryndaryna aýystyrylǵan. Oqý mekemesiniń jabylý sebebi týraly eshteme aıtylmady. Jyl saıyn túrkimen-túrik ýnıversıteti 200-den astam stýdent qabyldap kelgen.

Ýnıversıtet 1993 jyly qurylyp, bir jyldan soń jumys isteı bastady. 2013 jyly mamyrda Túrkimenstan jáne Túrkıa prezıdentteri ýnıversıtettiń 3 myń adamǵa arnalǵan jańa ǵımaratynyń irgetasyn qalady.

16 shildede Túrkıada sátsiz áskerı tóńkeristen soń el prezıdenti Rejep Taıyp Erdoǵan búlikti din ýaǵyzdaýshy Fethýllah Gúlen uıymdastyrdy dep málimdedi. 1999 jyldan beri Qurama Shtattardy panalap júrgen Gúlenniń "Qyzmet" qozǵalysy 2016 jyly mamyrda Túrkıada terrorlyq uıym dep jarıalandy.

Túrkıa bıligi "Qyzmet" qozǵalysynyń mıllıondaǵan jaqtastary bar jáne álemniń 150 elinde myńdaǵan bilim mekemelerin qarjylandyrady dep esepteıdi. Resmı Ankara basqa da elderdi Gúlenmen baılanysy bar bilim mekemelerin jabýǵa shaqyrdy.