QR Bilim jáne ǵylym mınıstrligi elimizdegi mektepterdiń úshtildi bilim berý júıesine 2019 jyldan bastap ótetinin málimdedi, - dep habarlaıdy Qamshy.kz SkifNews.kz - ke silteme jasap.

Buǵan deıin úlken daýǵa ulasqan osynaý reformany 2016 jyldyń qyrkúıeginen bastap nemese 2023 jyly engizedi degen alypqashpa áńgime el ishinde jeldeı gýlegen bolatyn.

Alypqashpa áńgimeniń órshýine sebep bolǵan mınıstr Erlan Saǵadıevtiń ózi edi. Almatydaǵy jıyndardyń birinde ol 2016 jyldyń 1 qyrkúıeginen bastap eldegi orta oqý oryndary úsh tilde bilim beretinin súıinshilep jetkizdi. Alaıda, onyń bul bastamasyn qoldaýshylardan qaraǵanda qarsy shyqqandardyń sany áldeqaıda kóp boldy. Ǵalymdar, qoǵam belsendileri, tipti muǵalimderdiń ózderi de Saǵadıevtiń reformasy Qazaqstan bolashaǵy úshin úlken qaýip tóndiretinin málimdep otyr. Keıin, halyq tynyshtalsyn dedi me, 2016 jyl 2023-ke qaraı jyljydy.

Endi mınıstrlik úshtildilik reformasyn 2019 jyldan bastaǵandy jón kórip otyr. Keshe vedomstvonyń Feısbýktegi resmı paraqshasynda mynadaı anyqtama-broshúralar paıda boldy. Iaǵnı, ózgeshelik aldymen tek 10-11 synyp oqýshylaryn qamtysa, ózge synyptardyń taǵdyry ázirge aıtylmaı otyr