Rıo-de-Janeıroda ótip jatqan HHHİ Olımpıada oıyndarynyń besinshi kúni qazaqstan qorjyny qos altynmen tolyqty, - dep habarlaıdy Qamshy.kz. 

77 kelide erler arasynda óner kórsetken aýyr atletimiz Nıdjat Rahımov pen  júzýshi Dmıtrıı Balandın Olımpıada chempıony atandy.

Nıdjat julqa kóterý saıysyn 165 kelimen úshinshi bolyp aıaqtaǵan edi. Al osy saıysta 177 keli ziltemirdi kóterip, jerlesimizden 12 kelige asyp ketken bolatyn.

Sportshymyz serpe kóterýde 214 kelini basynan asyryp, Rıo olımpıadasynyń altynyna qol jetkizdi. Sonymen, qossaıystyń qorytyndysy boıynsha 379 (165+214) keli nátıje kórsetti. 

Al erler arasynda 200 metr qashyqtyqqa júzýden fınaldyq saıysta qazaqstandyq Dmıtrıı Balandın 2:07,46 kórsetkishimen márege jetip, Qazaqstan qorjynyna Rıo Olımpıadasynyń ekinshi altyn medalin saldy. 

Balandın júzý boıynsha alǵashqy qazaqstandyq Olımpıada chempıony atandy.

Sondaı-aq, Rıo-de-Janeıroda ótip jatqan HHHİ Olımpıada oıyndarynda Jazıra Japparqul qazaq qyzdarynan tuǵysh bolyp, Olımpıada oıyndarynyń kúmis júldegeri atandy. 

Sonymen Qazaqstan quramasy 2 altyn, 2  kúmis, 3 qola medalmen 11-orynǵa kóterildi.