QR Prezıdenti Nursultan Nazarbaev Rıo Olımpıadasynyń chempıondary aýyr atletimiz Nıdjat Rahımov pen  júzýshi Dmıtrıı Balandındi jeńisterimen quttyqtady, - dep habarlaıdy Qamshy.kz Aqordanyń baspasóz qyzmetine silteme jasap.

«Qazaqstandyqtar seniń ónerińdi zor qyzyǵýshylyqpen jáne úlken úmitpen tamashalady. Sen olardyń úmitin tolyq aqtadyń. Joǵary sporttyq sheberligiń, jankeshtiligiń men asqan erik-jigeriń saǵan qıyn saıysta myqty qarsylastardy jeńip shyǵyp, Qazaqstannyń olımpıadalyq komandasyna alǵashqy altyn medaldi áperýge kómektesti. Seniń jeńisiń eldiń jas sportshylary úshin laıyqty úlgi bolary anyq», – degen Nursultan Nazarbaev Nıdjat Rahımovqa jańa jeńis pen jetistikter tiledi. 

«Seniń jarqyn jeńisiń qazaqstandyqtarǵa zor qýanysh syılady. Dańqty qarsylastarmen jankeshti jáne qıyn saıysta jeńip alǵan altyn medal – seniń joǵary sheberligińniń, maqsatqa talpynýyńnyń, erik kúshiń men qaırat-jigerińniń kórsetkishi. Seniń teńdessiz tabysyń Qazaqstan sportynyń shejiresinde máńgilik qalady», – dedi Elbasy júzýshi Dmıtrıı Baladındi quttyqtaýynda.

Qazaqstan Prezıdenti sportshynyń keleshekte jańa belesterdi baǵyndyrýyna tilektestik bildirdi.