Qazaqmystyń 17 qyzmetkeri zardap shekken Qaraǵandy oblysyndaǵy jol-kólik apatynyń mán-jaıyn anyqtaý úshin arnaıy komısıa quryldy, - dep habarlaıdy Qamshy.kz «Qazaqmys» koprorasıasy» JSHS baspasóz qyzmetine silteme jasap.

Keshe Qaraǵandy oblysy Sátbaev qalasynda kompanıaǵa qarasty Ońtústik Jezqazǵan kenishi 67-shahtasy mańyndaǵy temir jol ótkelinde teplovoz ben jumysshylar tasıtyn avtobýs soqtyǵysyp, 17 adam zardap shekken bolatyn.

Kompanıanyń habarlaýynsha, zardap shekkenderge qajetti medısınalyq kómek kórsetilgen. Qazir eki jumysshy adam aýyr halde jatyr. Dárigerler olardyń jaǵdaıy qalypty ekenin, ómirlerine qaýip joq ekenin aıtýda.

«Qazaqmys» korporasıasy barynsha qajetti qyzmetti kórsetýge tyrysýda. Jol-kólik apatynyń sebebin anyqtap, tergeý úshin arnaıy komısıa quryldy.