Alǵashynda úkimet jerdi satamyz, sheteldikterge jalǵa beremiz, orta mektepte úshtildilikti eńgizemiz degendi shyǵaryp edi. Búkil qoǵam dúr silkinip, qarsylyq tanytty. Ras, bundaı tolqýdan soń shendiler sabasyna túskendeı boldy. Túıtkildi máseleler boıynsha qoǵamdyq talqylaýlar ótkizemiz, narazylyq bildirgenderdi qýdalamaımyz, el múddesin nazarǵa alamyz degendi alǵa tartty. Tipti, keıbireýimiz buǵan sengendeı boldyq.

Shyndyǵynda eshbir raıynan qaıtý bolǵan joq. Taǵaıyndalǵan talqylaýlardy birtindep kózboıaýshylyqqa aınaldyryp, onyń arasynda memleket úshin eń mańyzdy qundylyqtardy qorǵap shyqqan belsendilerge, aryn joǵaltapaǵan aqparat quraldaryna qysym jasady. Daýdyń basy bolǵan Jer men Tilge qatysty ustanymynan úkimettiń esh aınymaǵany belgili boldy. Tańǵalatyn nárse bar ma? Menińshe, joq. Al shendiler bergen ýádesinde tursa, halyqpen keńesip máseleni órkenıetti sheshse, tańǵalar ma edińiz?

Rasýl Jumalynyń Feısbýktegi paraqshasynan alyndy