Bıylǵy jyldan bastap Turǵysyn aýyldyq okrýginde balyq sharýashylyǵy qolǵa alynyp, bógetke 2 myńǵa jýyq sazan men aq amýr shabaqtary jiberildi. Keler jyly bógettiń mańyna jańa demalys bazasy salynyp, kelýshi týrıser demalyp qana qoımaı, sporttyq balyq aýlaýmen aınalysa alady.

Sporttyq balyq aýlaý men týrızmdi úılestirýdi josparlap otyrǵan sharýashylyq qojaıyny Oneja Býrmyshevanyń aıtýynsha, Kúrshim aýdanynan satyp alynǵan shabaqtar bógettiń sýyna birden beıimdelgen.

– Keler jyly osy jerge týrıserge arnalǵan úıler salyp, mańaıdy abattandyrýdy josparlap otyrmyn. Kelýshi týrıser taza aýada sergip qana qoımaı, aqyly túrde balyq aýlap, ýaqyttaryn qyzyqty ózkize alady, – dedi sharýashylyq qojaıyny Oneja Býrmysheva.

Qazirdiń ózinde Zyrán aýdanynda balyq sharýashylyǵy qarqyndy damyp, taǵy úsh bógette balyqtar ósirilýde. Tek odan shyqqan balyqtar balyq óńdeýshi sehke jiberilip otyrady. Aýdandyq aýyl sharýashylyǵy bóliminde málim etkendeı, aldaǵy ýaqytta taǵy birneshe bógetke balyq jiberilip, ónim kólemi ulǵaıtylyp, Zyrán aýdany ózin-ózi balyq ónimderimen qamtamasyz etpek.