Túnde óńirde qatty jel soǵyp, nóser jaýyn jaýdy. Jeldiń jyldamdyǵy sekýndyna 21 metrden, keı aýdandarda 23 metrden asty. Tótenshe jaǵdaı habarlamasyna sáıkes óńirde bir kúnde 60 mm ylǵal túsken.
Jaýyn saldarynan jeke aýlalardy sý basyp, aǵashtar qulap, kólikter zardap shekti. Óskemenniń qala ákimdiginde jedel shtab quryldy. Tótenshe jaǵdaı boıynsha kezekten tys komısıa otyrysy ótti.
Jergilikti atqarýshy organdar, tótenshe jaǵdaı departamenti, komýnaldyq, jol qyzmetteriniń kúshteri sý basqan aımaqtardan, joldan sý aǵyzý jumystaryn júrgizýde, kóshelerde qulaǵan aǵashtar men synyqtarynan tazalap, aǵash astynda qalǵan kólikterdi bosatýda.
Jumys áli de jalǵasýda. Jaǵdaı jedel shtabtyń baqylaýynda.
