Reseıdiń antropologıa jáne etnografıa (Kýnstkamera) mýzeıiniń ákimshiligi qazaqtyń Keıki batyry men Kenesary hanynyń bas súıekterin qaıtarý máselesine oraı resmı málimdeme taratty, - dep habarlaıdy Qamshy.kz kazmuseum.kz – ke silteme jasap.

«Reseıdiń antropologıa jáne etnografıa (Kýnstkamera) mýzeıinde 1933 jyly tirkelgen bas súıek saqtalǵan. Bas súıektiń qujatynda:

«Cherep «…» kazaka Keıkı, ýrojensa Kaıdaýlskoı vol., Týrgaıskogo ý., kaznennogo v sovetskıı perıod. Ot «///» v 1926 g.» dep jazylǵan.

Bas súıek eshqashan kórmelerge, ekspozısıalarǵa qoıylmaı, tek mýzeı qorynda saqtalǵan.

Sondaı-aq, mýzeı Kenesary hannyń bas súıegine qatysty eshqandaı málimet joq ekenin habarlaıdy. Belgili bir deńgeıdegi qujattardyń bolmaýyna baılanysty Kenesary hannyń bas súıegine qatysty derekter Kýnstkamerada joq ekenin málimdeıdi.

Qazaqstan tarapyna mýzeı jınaqtaryn berý mýzeı ákimshiliginiń quzyretine kirmeıdi. Bul máseleni Reseı Federasıasynyń mádenıet mınıstrligi sheshedi.  

Qazirgi ýaqytta Kýnstkameranyń qorynda Qazaqstannyń etnografıasyna qatysty birneshe mýzeı jınaǵy saqtalǵan. Jınaqtardy mýzeı mamandardy zerttep júr. Sońǵy kezderi qazaqstandyq mamandarmen bul iste birigip jumys isteýdemiz», - delingen málimdemede.

Aıta óteıik, osyǵan deıin QR Úkimetiniń basshysy Kárim Másimov Reseı úkimetiniń basshysy Dmıtrıı Medvedevpen kezdesýde  Keıki batyr men Kenesary hannyń bas súıegin Qazaqstanǵa qaıtarý týraly máseleni kótergen bolatyn.