Ońtústik Qazaqstan oblysynda tórt túliktiń etine baqylaý kúsheıtildi.
Tipti veterınarlar shalǵaı aýyldardaǵy mal soıý beketterine deıin jiti qadaǵalaýǵa alǵan. Al qala ishi aýdandardaǵy bazarlar men arnaıy mal soıatyn beketterde zerthana jumys istep tur. Olar etke anyqtamany úsh kúnge ǵana beredi. «Tutynýshy sol anyqtamaǵa qarap, etti tańdap alýyna bolady», - deıdi mal dárigerleri.
Óńirde mal aýrynyń asa qaýipti degen 9 túrine qarsy egý jumystary júrgiziledi. Tórt túlik jylyna eki ret tekseriledi. Kóktemde 475 myńnan astam iri qaradan qan alynyp, onyń 454-inen brýselez anyqtalǵan. Al 1 mıllıonnan astam ýaq maldyń ishinen 919-y osy dertke shaldyǵypty. Olardyń bári zalalsyzdandyryldy, - deıdi mamandar.
Qýanysh Myrzataev, oblystyq aýyl sharýashylyǵy basqarmasy bóliminiń bas mamany:
- Oblys boıynsha qazirgi jaǵdaı turaqty.Bizde 2003 jyldan beri oblys aýmaǵynda asa qaýipti aýrý, onyń ishinde sibir jarasy tirkelmegen. Et ónimderiniń barlyǵy bazarlarǵa, dúńgirshikter men dúkenderge veterınar mamandarynyń tekserýinsiz túspeıdi. Óıtkeni mamandar tańerteńnen keshke deıin osy jerlerde jumys isteýde.
Beglan Ábdihaev, qalalyq aýyl sharýashylyǵy jáne veterınarıa bóliminiń sektor meńgerýshisi:
- Bizde 12 iri bazar bar. Ol jerlerde saraptamalyq zerthana jumys isteıdi. Qalǵandary sonda baryp, ónimderin teksertip turady. Onyń bárine bizdiń mamandar qaladan bekitilgen. Eshqandaı da aýrý et, kúdikti et degen ótip ketýi múmkin emes.
