Ońtústik Qazaqstan, Arys aýmaqtaryna jáne Qarataý memlekettik qoryǵy aımaqtaryna 703 bas jek dýadaq jiberildi, - dep habarlaıdy Qamshy.kz. 

Qustardy jiberý Ońtústik Qazaqstan oblystyq orman sharýashylyǵy jáne janýarlar dúnıesi aýmaqtyq ınspeksıasy, QR BǴM ǴK «Zoologıa Instıtýty» RMK, «Ohotzooprom» ÓB» RMQK-nyń qatysýymen, Arab ókilderiniń tarapynan júzege asyrylǵan eken. Al qustardy jiberý Yntymaqtastyq týraly kelisimshartty oryndaý sheńberinde júzege asyryldy.

Ońtústik qazaqstan oblysyna qarasty Qarataý memlekettik qoryǵy aımaǵynda qyzmet etsýshiler dýadaq sanyn arttyrý men ony kútip-baptaýdyń jańa joldaryna bar kúsh-jigerlerin salatyndaryn aıtty. Bul jolda qyzmetkerler únemi izdeniste bolyp, tabysty, nátıjeli eńbek ete berýdi maqsat etken kórinedi.

Sonymen qatar Jek dýadaqtardy qorǵaý halyqaralyq qory (Abý-Dabı, BAÁ) 2016 jyly 16 shildede OQO Shymkent qalasyna 544 daraq jek dýadaqty odan keıin tabıǵı ortaǵa jiberý úshin jetkizgen bolatyn. Bastapqyda 637 jek dýadaqtardy ákelýge ótinish jasalyp, qustardy ákelý SITES ákimshilik jáne ǵylymı organynyń ruqsaty men kelisimi boıynsha júzege asyryldy. Barlyǵy tabıǵı ortaǵa 703 daraq jek dýadaq shyǵaryldy, onyń ishinde 544 qus BAÁ ákelingen jáne 159 qus Jek dýadaqty tabıǵı ortaǵa shyǵarý jáne ósimin molaıtý ortalyǵynan jiberildi.

Endi kezekte mamandar dýadaqtardy kútip baptaýmen qatar, olardy kóeıtý men qorshaǵan ortaǵa beıimdeýmen aınalyspaq nıette. Qazirgi tańda sırek kezdese bastaǵan atalmysh qus Qazaqstannyń ońtústik óńirinle osylaısha qoldan kóbeıtilýde.