Osydan bir aı buryn eginge oraq salǵan sharýalar Úkimettiń tómen baǵaǵa belgilegen maıyn ala almaı keledi. Olar oblystyq Aýyl sharýashylyǵy basqarmasyna habarlasqan. 

Ondaǵylar: «Zaýytqa tapsyrma berildi, jeńildetilgen janarmaı alasyzdar», – dep aıtqan. Alaıda operatorlar: «Bizge ondaı pármen túspedi», – dep maıdy 87-88 teńgeden saýdalap otyr. 

Amaldyń joqtyǵynan eńbekshi qaýym qymbat janarmaıdy alyp, bıdaılaryn shaýyp jatyr. Óıtkeni jýyq arada oraqty aıaqtamasa, masaqtan bıdaı bólinip túsip, sharýalardy shyǵynǵa batyrady.

Qurlysbek Ábıdınov, dıqan

-Biz endi jeńildetilgen janarmaıdy 83-84 teńgeden alýymyz kerek edi. Biraq oblystyq janarmaı bóletin jerden 89-90 teńgeden qaltamyzdan tólep alyp, osy ýaqytqa deıin 40 tonnaǵa deıin satyp aldyq. Sozyp jatqanyna qarap otyratyn bolsaq, tez oralmaıtyn bolsaq, taǵy da ysyrap bolady. Úkimettiń beretin járdemin osy ýaqytqa deıin kútip otyrǵanymyz sál durys bolmaı jatyr.

Al Aýyl sharýashylyq mınıstrliginiń ókilderi atamysh dızel tapshylyǵynan múlde habarsyz otyrǵan kórinedi. 

«Bizge ondaı aqparat túspedi», – degen mamandar kelesi derekpen bólisti.

Respýblıka boıynsha dalalyq jumystarǵa kepildi túrde bólinýge tıis janarmaıdyń kólemi 390 myń tonnany quraıdy. Sonyń 39 myńy Ońtústiktiń dıqandaryna arnalǵan.

Baqyt İlıasov, QR ASHM departament dırektorynyń orynbasary

-Bólingen 39 myń tonnanyń 40 paıyzy taýar óndirýshilerge bólinip berildi. Egin oraǵy júrip jatyr. Qalǵan janar-jaǵarmaıdyń kólemi qyrkúıek aıyna maqta daqylyn jınaýǵa josparlanyp otyr.