Ońtústik Qazaqstan oblysyndaǵy Sozaq aýdanynyń Baba Ata aýylyndaǵy sý qoımasyna 50 myń shabaq jiberildi,-dep habarlaıdy Qamshy.kz. 

Bul «Oblysta 2015-2016 jyly balyq sharýashylyǵyn damytý» memlekettik baǵdarlamasynyń aıasynda jasaldy. «Bul ıdeıany kásipornymyz sonaý 2014 jyly júzege asyra bastady. Onda biz ákimdikpen kelisim ornatyp, Tarazdaǵy tálim baqtarmen baılanys ornattyq. Árbir shabaq úshin 50 teńge tólep, barlyǵy 100 myń tuqyny jiberdik. Búginde shabaqtyń taǵy 50 myńyn sýǵa jiberip otyrmyz», - dep baıandady «Kaz.Cold.Fish» jaýapkershiligi shekteýli seriktestiginiń Bas dırektory Dinmuhammet Qazaqbaev.

Dinmuhammed Qazaqbaevtyń aıtýynsha, jobanyń bastamashylary alǵashqy asyrandylar kúzde tuqym beretinine úmittenip otyr. Bolashaqta kásiporynda balyq ónimderin qaıta óńdeý jáne konserviler shyǵarý sehyn ashýdy josparlap otyrmyz. Bul taǵy qosymsha 15 adamdy jumyspen qamtamasyz etýge múmkindik beredi, al shyǵarylyp otyrǵan ónim jergilikti naryqta ǵana emes, eksportqa da jibermek. Oblystyq ákimdiktiń baspasóz qyzmetinde atap ótilgendeı, balyq sharýashylyǵyn damytýǵa aımaqtyq búdjetten jalpy alǵanda 400 mln. teńge bólingen.

Oblysta 2015-2016 jyly balyq sharýashylyǵyn damytý» memlekettik baǵdarlamasynyń aıasynda jasalǵan bul jumys «Kaz.Cold.Fish» jaýapkershiligi shekteýli seriktestigine senimmen tapsyrylǵan.

Bir aıta keterligi sońǵy kezderi oblysta balyq sharýashylyǵyna asa qatty mán berilýde. Bul úshin uıymdastyrylǵan arnaıy sharalar da júzege asyrylý jaǵy qamtamasyz etilgen.

Bul úshin barlyq qajetti tehnıka kúshi jumyldyrylǵan dep habarlady oblystyq ákimdiktiń baspasóz qyzmetindegiler.