Ońtústik Qazaqstanda jyldar boıy ıgerýsiz jatqan 670 gektar jerdi sharýalar qaıtadan ıgiligine jarata bastady,-dep habarlaıdy Qamshy.kz. 

Byltyrdan beri óńirdegi jalpy uzyndyǵy 250 shaqyrym bolatyn 43 kanalǵa jóndeý jasalyp, tabany tazartyldy. Oǵan oblys qazynasynan 3 mıllıard 518 mıllıon teńge jumsaldy. Nátıjesinde taǵy 16,6 myń gektar jerdi  aǵyn sýmen qamtamasyz etý isi jaqsardy.  

Aýyl sharýashylyǵy jerlerin túgendeýge baılanysty qurylǵan jumys toby oblysta 334 myń gektar jerdiń ıgerýsiz jatqanyn anyqtaǵan bolatyn. Onyń úshten biri - sýarmaly. Ózgesi jaıylym jerler. Osyndaı aýmaqtaǵy jerdi tıimti paıdalaný, sharýashylyq maqsatta qoldanysyn tıimdi etý kezek kúttirmeıtin másele ekeni daýsyz. Bul aýmaqtar arnaıy jer qoryna qaıtarylǵan soń, jerge muqtaj sharýashylyqtarǵa qaıta bólinip, beriletin bolady. Sharýashylyqtar jalpy kólemi 334 myń gektar bolatyn jańa jerlerge ıe bolyp jatsa, ónim kólemin arttyrý, jańa jumys oryndaryn ashýǵa da jańa múmkindikter týary anyq ekenin aıtady.

Bir aıta keterdigi, Ońtústik Qazaqstan oblysynda, ıgerýsiz jatqan 335 myń gektar jerlerden basqasy jaıylym jer bolǵanymen, oblysta egin sharýshalyǵy da, mal sharýshashylyǵy da qalypty júrýde.

Sharýlardyń aıtýynsha, aýylsharýashylyǵy damysa, jańa jumys oryndary ashylsa, aýyl ǵana emes, tutastaı ekonomıkamyzdyń áleýeti artatynyn aıtyp jatý artyq bolar.