Ońtústik Qazaqstan oblysynda dıhanshylar kókónister, jemister jáne baqsha daqyldaryn jınaı bastady. Búgingi kúnge erte kóktemde egilgen  450 myń tonna kókónis, 40 myń tonna kartop, 50 myń tonna baqsha ónimderi jınaldy. Jınaý jumystary jalǵasýda. Agrarly aımaqta bıyl kókónis daqyldary 35 myń ga, baqsha 58 myń ga, kartop 14 myń ga egilgen.

Aldyn-ala boljam boıynsha jyl sońyna deıin 750 myń tonna kókónis, 1240 myń tonna baqsha, 255 myń tonna kartop jınalady dep kútilýde.

Sonymen qatar, aımaqta eginshiler 27 myń ga. jerge jemis-jıdek pen júzim daqyldaryn ekse, onyń 1,1 myń ga ıntensıvti baýlar.

Aldaǵy ýaqytta Respýblıka halqyn jemis-jıdek jáne júzim ónimderimen qamtamasyz etý maqsatynda óńirde ıntensıvti baý sharýashylyǵyn damytý qarqyndy júrgizilip keledi. Osy jyldyń ózinde jalpy 4,3 myń ga. jemis-jıdek daqyldaryn onyń shinde 2 myń ga ıntensıvti baý egý boıynsha jumystar júrgizilýde.