Bıyl mektep bitirýshilerdiń 74 % -y qazaq tilinde, 26 % orys tilinde UBT tapsyrdy, eger osy baǵytpen kete bersek endi 5 ary ketse 10 jylda bul kórsetkish qazaq tildi oqýshy 90% orys tildi kórsetkish 10% - ǵa túsedi. Osy baǵytpen kete berse bul ózdiginen eshqandaı qarjy tógýsiz aq sheshiledi. Oǵan bola memleketten qyrýar qarjy bólgenshe sol qarjyny oqýlyq sapalandyrý, mektepterdi zerthanalarmen tolyqtaý ustazdardyń jaǵdaıyn jasaýǵa jumsasa eki jep bıge shyǵar edi.

Átteń, bir kem dúnıe! Qazir orys mektebine tek orys tildi qazaqtardyń belgili bir bóligi jáne Reseıge ketý nıeti bar orystar ǵana oqytady. Al, basqa ulttardyń kóbisi balasyn qazaq mektepterine berý úrdisi bastalǵaly biraz jyldyń júzi boldy.

Sondaı-aq, qazaq mektepteriniń bilim sapasy orys mektepterinen artta degen túsinikten oıanatyn kez keldi ǵoı. Jaı ǵana dálel: Astana qalasynyń mektepteriniń reıtingisiniń aldyńǵy ondyǵynda bir de bir orys mektebi joq, 8 qazaq mektebi jáne 2 aralas mektep bar. Bul qazaq mektepteriniń tómen emes, kerisinshe baıaǵyda orys mektepterin artqa tastap ketkenin kórsetedi. Sol úshin de, orys mektebi nemese orys tildi balalar dep, olar úshin baǵdarlama jasaımyn dep basy artyq problema oılap tabý aqsha jeýdiń tamasha amaly, qazaqstanda endi 5-6 jyldan soń tek qazaq mektepteri ǵana bolady, qalǵany ózdiginen qazaq tildi mektepterge almasady, tek qalyptasqan úrdispen oqýlyq pen ustazdar qosynyn sapalandyrý eń tıimdi amal.

Aıatjan Ahmetjannyń Feısbýktegi paraqshasynan alyndy

Sýret Azattyq saıtynan alyndy.