Ońtústik Qazaqstan oblysy «Bereke» baǵdarlamasy boıynsha jeke sharýashylyqtarǵa 1 myń shaǵyn mal bordaqylaý alańyn qarjylandyrý josparlanǵan eken. Osy maqsatta 913 sharýaǵa 2,4 mlrd. teńge nesıe berildi. Bul týraly «Aýyl sharýashylyǵyn qarjylaı qoldaý qory» AQ baspasóz qyzmeti habarlady. Shaǵyn nesıe negizinen 5-20 iri qara mal basyn bordaqylaıtyn jeke sharýa qojalyqtarǵa berilip otyr.

Jyl basynan beri «Aýyl sharýashylyǵyn qarjylaı qoldaý qory» jalpy kólemi 9,2 mlrd teńgege 3,7 myń jobany qarjylandyrǵan eken.  Nesıe qarajaty negizinen iri qara, jylqy jáne qusty bordaqylaý men aýylsharýashylyq ónim alý úshin satyp alý, sondaı-aq, mal azyq satyp alýǵa maqsatynda jumsalýy tıis bolǵan. 

Nesıeniń maksımaldy somasy – 3 mıllıon teńgege deıin, qaryzdy merzimnen buryn ótegen qatysýshylar úshin – 5 mıllıon teńgege deıin bolyp tabylady. Qaryzdyń berilý merzimi tolyq – 4 jyl.  «Bereke» baǵdarlamasy «Aýyl sharýashylyǵyn qarjylaı qoldaý qory tarapynan ázirlengen edi. Respýblıka boıynsha 2016 jyly 55 myńǵa jýyq mal basyna arnalǵan 7 myńnan astam shaǵyn mal bordaqylaý alańy qarjylandyrylady dep kútilýde.

Maksımaldy berilgen memlekettik nesıeniń arqasynda Ońtústik Qazaqstan oblysynda mal bordaqylaý jumystary sátti júrip, asyl tuqymdy maldars anyny arttyqý jospary tolyǵymen oryndalyp keledi. Bul úshin Ońtústiktiń malshylary bar kúsh-jigerlerin salyp eńbek etýde. Endigi maqsat, mal sanyny arttyryp qana qoımaı, olardyń kútimine de asa saqtyqpen qaramaq nıette eken.

Endi osy qarjylandyrý arqasynda aımaqtaǵy aýyl sharýashylyǵy myqtap qolǵa alynýy josparlanýda.