Ulttyq qaýipsizdik komıtetiniń basshysy Vladımır Jumaqanov Almaty oblysynda lańkestik jasamaq boldy degen kúdikpen tutqyndalǵan tórt azamattyń da salafızm aǵymyn ustanýshylar ekenin málimdedi, - dep habarlaıdy Qamshy.kz.

Ol bul týraly Astanada ótip jatqan konferensıa kezinde aıtqan.

«Tórt adam ustaldy. Bireýi – Qyrǵyzstan azamaty. «Lańkestik uıym qyzmetine qatysý» baby boıynsha qylmystyq is qozǵaldy. Qazir olar qamaýǵa alyndy, tergeý áreketteri júrip jatyr (...). Olar salafızm ıdeologıalyq aǵymyn ustanady», - degen V. Jumaqanov.

Budan bólek, UQK basshysy jekelegen dinı aǵymdar qyzmetine tyıym salý jónindegi oılaryn da bildirgen.

«Bul másele qarastyrylyp jatyr. Jaqtaýshylar da, qarsy shyǵýshylar da bar. Óıtkeni, ıdeologıaǵa tyıym salý qıyn is. Biraq, tyıym salýǵa bolady. Baıqasańyzdar, 2011 jyldan beri bizde bolǵan barlyq oqıǵalar belgili bir deńgeıde osy ıdeologıamen baılanysty bolyp otyr. Sondyqtan, osyndaı usynys aıtylýda. Jaqyn ýaqytta ol usynystar eń joǵary deńgeıde qarastyrylady dep oılaımyn (...). Bul ne degenmen bılik pen qoǵamnyń máselesi. Sondyqtan, kóre jatarmyz. Kóp kúttirmeı qaralatyn bolady. Jaqyn ýaqytta osy másele Memleket basshysy deńgeıinde, Qaýipsizdik keńesinde qaralady dep oılaımyn, sondyqtan, bolashaqta bul máseleniń barlyǵy sheshimin tabady», - degen UQK basshysy.

Esterińizge salsaq, buǵan deıin Almaty oblysynyń aýmaǵynda lańkestik áreket jasamaq boldy degen kúdikpen tórt azamat ustalǵan bolatyn.