Máskeýlik profesordyń 24 jasar qyzy japonǵa kúıeýge shyǵýdy armandaıdy. Buryn turmysta bolǵan ol  ózine shet eldik  jar izdeı bastaıdy. Birde orys arýyna 52 jasar japon kezdesedi. Ekeýi tanysqan soń bas qosyp, otbasyn qurýǵa bekinedi. Orys qyzy buryn turmysta bolǵan soń kúıeýiniń ózinen neshe jas úlken bolǵany qyzyqtyrmaıdy. Áıteýir shet eldik ǵoı. Sóıtip, ózinen kóp jas úlken japonnyń eteginen ustaǵan orys qyzy alystaǵy araldar eline kete barady.  

Olar Japonıada bes jyl turady. Kúıeýi aptasyna bir ret meıramhanaǵa aparady. Úsh aıda bir ret Japonıany aralaýǵa múmkindik beredi. Alty aı saıyn shet elde demalady. Budan bólek kerek-jaraǵy men azyq-túlikke qajet aqshany da japon kúıeýi berip turady. Onymen qoımaı, Reseıdegi otbasyn da osy kúıeýi asyraıdy. Biraq orys qyzy japon azamatymen birge turýdan jalyǵady. Iá, kúıeýi uryspaıdy, jónsiz tıispeıdi, qysqasy júıkesine tımeıdi. Sabyrly, ustamdy ári jomart kúıeýden bezinýine ne sebep?  

Sebebi bireý ǵana eken. Japon kúıeýi keıbir keshterde qasynda otyryp áńgimeleskeni bolmasa birge turǵan bes jyl ishinde ony qushaqtamaq túgili tipti betinen de súımepti. Bes jyl ishinde ábden ishi pysqan orys qyzy aqyry Reseıge qaıtyp ketipti.

Orys qyzy «Meniń bala súıgim keledi. Sizdiń meni ne úshin alǵanyńyzdy túsinbedim ǵoı. Siz maǵan en úshin úılendińiz?» degende, japon kúıeýi «Óıtkeni sen sulýsyń» degen eken. Shamasy, qyzdyń sulý júzine qarap otyrý úshin ǵana alsa kerek.

«Woman.ru» saıtynan alyndy

Ázirlegen Aıǵanym Birtýar