Bıylǵy oqý jyly Shyǵys Qazaqstanda birinshi synypqa barǵan balalar 4% kóbeıip, sany mektep bitirýshi túlekterden eki esege artqan. Búgin, oblystaǵy 664 kúndizgi bilim berý ordalarynda sol balalarǵa alǵashqy qońyraý soǵyldy, - dep habarlaıdy SHQO Aqparattyq ortalyǵy.

2016-2017 oqý jyly basynda aımaqta 664 kúndizgi jalpy bilim berý mektepteri jumys istep tur. Onyń 492 orta, 121 negizgi jáne 51 bastaýysh bilim oshaqtary. Al, halyq az shoǵyrlanǵan 382 eldi mekendegi mektep jasyndaǵy 4 666 balanynyń mektepke qatynaýy máselesi de nazardan tys qalmady. Bul balalardyń 80% kúndelikti mektepke tasý úshin 175 avtobýs qarastyrylǵan. 586 bala mektep janyndaǵy ınternattardy bilim alýda. Al, qalǵan 282 shákirt týǵan- týystarynyń úıinde turyp oqıdy.

Bilim kúni oblys basshylyǵy mektepterdegi alǵashqy qońyraý saltanatyna qatysyp, oqý jylyna daıyndyǵyn tekserdi. SHQO ákiminiń orynbasary Jaqsylyq Omar qaladaǵy reıtıńtik №16 orta mektep pen  oblystyq matematıka, fızıka, ınformatıka salasyndaǵy daryndy balalarǵa arnalǵan mamandandyrylǵan №25 mektep-lıseıinde boldy.

– Mektep qaı kezde bolsyn, qaı qoǵamda bolsyn erekshe bilim ordasy bolyp tabylady. Munda balalar sapaly bilim alý úshin keledi. Bul mektepter byltyr jaqsy bilim kórsetkishin kórsetken. Sebebi, Sizder, bolashaqta Qazaqstannyń bolashaǵy úshin qyzmet etetin jandardy tárbıelep jatyrsyzdar. Sondyqtan mektep ujymyna, ustazdarǵa bilim berýde, tárbıe berýde bıyl da bosańsýǵa bolmaıdy,–  dep qatań tapsyrdy óz sózinde J. Omar.

Aıta ketý kerek, aǵymdaǵy jyly oblystaǵy bilim ordalarynyń sany taǵy bireýge artpaq.  Kýrchatov qalasynda úsh aýysymdyq bilim berý máselesin sheshý maqsatynda 600 oryndyq jańa mektep jýyrda paıdalanýǵa beriledi.