Bıyl Almaty qalasynyń 1000 jyldyǵy. Qazaq rýhanıatynyń astanasy bolǵan alyp shahardyń mereıli merekesi qarsańynda ótetin ádebı-mádenı is-sharalardyń qyrkúıek aıyna arpnalǵan resmı baǵdarlamasy jarıalandy. Almatynyń 1000 jyldyǵyn merekeleý aıasynda qala turǵyndary men qonaqtary túrli merekelik sharalar - mýzykalyq festıválderdi, kórmelerdi, sporttyq jarystardy tamashalaıtyn bolady, - dep habarlaıdy Qamshy.kz.
Mysaly, qalada 2, 3, 4 qyrkúıek kúnderi Abaı alańynda saǵat 19.00 –de jyl saıynǵy ashyq aspan astyndaǵy «Orkestrler sherýi» VII festıvali ashylady. Festıvaldiń alǵashqy kúni Arman Júdebaevtiń basqarýymen jáne «Sazgen sazy» fólklorlyq –etnografılyq ansámbldiń qatysýymen Qazaq akademıalyq halyq aspaptary orkestri óner kórsetedi. Ekinshi kúni qala turyǵndary men qonaqtary úshin 80 jyldardyń hıtteri shyrqalady. Kompozısıalar Qanat Ahmetovtyń basshylyǵymen úrlemeli orkesterdiń oryndaýda júzege asady. Sońǵy kúngi konsertti Memlekettik akademıalyq orkestr qorytyndylaıdy.
3 qyrkúıekte saǵat 10:00 nan 17:00 aralyǵynda Ǵylym akademıasy alańynda ( Ýálıhanov/Shevchenko kósh) III « KitapFest » almatylyq kitap festıvali ótedi. Kelýshilerdi túrli súrprızder kútedi.
4 - 8 qyrkúıek aralyǵynda IýNESKO aıasynda Halyqaralyq Balalar Beıbitshilikti sýretke salady. Azıa» atty festıvál ótedi, oǵan Orta Azıa men Azıa - Tynyq muhıt óńirinen 7 myńnan astam jas sýretshi qatysady.
Qala kúni 18 qyrkúıek, jeksenbi kúni merekelenedi. Saǵat 11.00 den 18.00 deıin jyl saıynǵy «ALMA fest -2016» festıvali, túri oıyn- saýyqtartar uıymdastyrylady.
«ALMA OTBASY» - balalar atraksıony,túrli oıyndar, otbasylyq starttar, kóńildi anımatorlar munda kelgenderdiń báriniń kóńilin tabatyn bolady.«ALMA ART» - ashyq aspan astyndaǵy galereıa. Sýretshiler óz sheberlikterin usynady. Arnaıy konkýrsta jıvopısten báseke ótedi. . «ALMA-ETNO» - teatrlandyrylǵan qoıylymda halqymyzdyń ulttyq dástúrleri men salttary kórsetiledi. Qonaqtar ulttyq dámnen aýyz tıedi. «ALMA-JASTAR» - formaldi emes jastar men túrli sýbmádenı aǵymdaǵy jastarǵa arnalǵan. Kóshe bıi boıynsha arnaıy konkýrs ótedi. «ALMA-KARAOKE», munda Almaty týraly eski ánder aıtylyp, án baıqaýy ótedi.«ALMA-ÁÝEN» aýmaǵynda qazaqstandyq óner juldyzdarynyń konserti bolady. «ALMA-BAZAR» atty negizgi alańda Almaty oblysynyń 20 sharýashylyǵynan jetkizilgen 20 túrli 100 tonna alma kelýshilerge usynylady.
Qala kúni merekesinde «Almaty Arena» Muz saraıynda IýNESKO-nyń, baýyrlas qalalar mene ózge de delegasıalar ókilderiniń qatysýymen «Almatynyń 25 shyńy» atty mádenı shara ótedi. Mereke sońy « Apple Fire» otshashýyna ulasady.
