Qyrkúıektiń ekinshi juldyzynda BUU-nyń Bas hatshysy Pan Gı Mýn Ózbekstan Prezıdenti Islam Kárimovtyń dúnıeden ozýyna baılanysty málimdeme jasady, - dep habarlaıdy Qamshy.kz.
Óz málimdemesinde Bas hatshy marqumnyń otbasyna, Ózbekstan úkimeti men halqyna kóńil aıtty. Bul týraly BUU-nyń «Jańalyqtar ortalyǵy» habarlaıdy.
BUU-nyń Bas hatshysy Ózbekstan men BUU arasyndaǵy yntymaqtastyqtyń jáne aımaqtyq, jahandyq beıbitshilik pen qaýipsizdiktiń nyǵaıýyna zor úles qosqan Prezıdenttiń eńbegin atap ótti. BUU Bas hatshysy halyqaralyq uıymnyń aldaǵy ýaqytta da Ózbekstan halqymen tyǵyz qarym –qatynasta bolýǵa daıyn ekendigin aıtty.
