Qaraǵandyda tapa tal túste 4 jastaǵy bala kólik ishinde tirideı janyp ketken. Qaıǵyly jaǵdaı úıdiń aýlasynda bolǵan. Qazir oqıǵaǵa qatysty qylmystyq is qozǵaǵan polısıa ókilderi kóliktiń esikteri qalaı jabylǵanyn anyqtap jatyr, - dep habarlaıdy Qamshy.kz 31-arnaǵa silteme jasap.

İshinde tórt jasar Sanjar bolǵan kólik úıdiń dál aldynda otqa oranypty. Bul - sol kúni bolǵan órttiń izderi. Búldirshinniń jan aıqaıyn estigen kórshi-qolań kóliktiń mańaıyna kelýge múmkindik bolmady,- deıdi. Óıtkeni qyzyl jalyn 10 sharshy metr jerge deıin sharpyǵan. Kýágerler sózinshe, «Folksvagen transporter» markaly kóliginiń aldyńǵy jaǵy sanaýly sekýndtarda kúlge aınalǵan. Al Sanjardyń múrdesi tek ot túgel aýyzdyqtalǵannan soń ǵana tabylǵan. Al balasyn ajaldan aman alyp qalýǵa tyrysqan ákesi birinshi deńgeıli kúıik alypty. Onyń bir jaq qoly men betin kúıik shalypty.  Al balasynan aıyrylǵan ana birneshe ret esinen tanyp qulaǵan. Qara jamylǵan áıelge psıhologıalyq kómek kórsetilip jatyr. 4 jastaǵy Sanjar úıdiń úshinshi balasy eken.

QARLYǴASH TÁJİBAEVA,  Kýáger:

- Men úıge kirdim, sol eki ortada mashına rezko babahnýla. Eshkim da bilgen joq balanyń bar ekenin onyń ishinde. Eshkim da bilgen joq. Keıinnen bildik bala bar ekenin. Júgirdik, ne kerek... Sheshesi anaý jerde qulap jatty, ákesi ol shyryldap jatty.