Áıeliniń eskertýine qulaq aspaǵan Qapshaǵaı qalasynyń ákimi keshirim suraýǵa májbúr boldy. Óıtkeni, qatty sóılegeni úshin Sátjan Qıqymovqa úıinde joldasy eskertý jasaıdy eken. Biraq úıdegi ádet qala ma? Jumysta da ákim úıdegi áıeline sóılegendeı qatty sóıleımin dep, búgin birneshe saıtqa shyǵyp, áleýmettik jelilerdiń talqylaýyna tap boldy, - dep habarlaıdy Qamshy.kz 31-arnaǵa silteme jasap.

Turǵynǵa "sen" dep, daýsyn kótere sóılegen - Qapshaǵaı qalasynyń ákimi Sátjan Qıqymov. Qazaqy jalpaq tilde bundaıdy dikińdep sóıledi deıdi. Biraq, ákim dikińdemedim deıdi. Sátjan Qıqymovtyń aıtýynsha "tabıǵı daýsy osy, halyq durys túsinbegen". "Al qabyldaýda bolǵan Anton Fedorovtyń dálelsiz kinálaı sóılegeni de durys bolmady, sondyqtan kópshilik bul iste birjaqtylyq tanytpasa" ,- deıdi. 

SÁTJAN QIQYMOV, Qapshaǵaı qalasynyń ákimi:

- Bizdi sógip, akımat krahaborlar. Vzátochnıkter, satylǵan, bárin satady, bárin qyrady,- dedi. Endi men jas bala bolǵannan keıin «Ty» degenim ras. Ty otvechaesh za svoı slova dedim. Sol «ty» degenime men keshirim suraımyn. Voobshe men qatty sóıleıtin adammyn. Soveshanıe ótkizgen kezde de qatty sóıleımin.

Ábden múmkin. Keıbir saıttarǵa ákim tipti áıelinen eskertý de alǵanyn aıtypty. Al, shyn máninde oqıǵa bylaı bolǵan. Anton Fedorov Qapshaǵaıdyń búkil máselesin jipke tizip aıtyp shyqqan. Sózin eshkim bólmegen. Biraq, oǵan ákim jaýap bergen sátte "sen" dep sóılegen. Bar bolǵany osy. Keıbireý ákimniń daýys kóterip sóıleýi durys emes dese, keıbiri ony ádeıi ashýlandyryp jiberdi deıdi. Al oblystyq ádep keńesi beınejazbany qarap, tolyqqandy zerttep, qajet bolsa Qapshaǵaı qalasynyń ákimi Sátjan Qıqymovtyń áreketine shara qoldanamyz dep otyr.