Almatyda taýǵa saıahattap barǵan týrıs izim-ǵaıym joǵalyp ketti! Aleksandr Nazarýkti qutqarýshylar kesheden beri taba alar emes. Habar-osharsyz ketken saıahatshy taýǵa 2 dosymen barǵan, - dep habarlaıdy Qamshy.kz KTK arnasyna silteme jasap.

Alaıda, Úlken Almaty shyńyna shyqqandardyń qaıtar tusta joldary bólinipti. Iaǵnı, Aleksandr Nazarýk joldy qysqartpaq bolyp, basqa baǵytpen ketken. Sóıtip, týrıser ýaǵdalasqan jerde kezdespek bolady. Alaıda, barǵan jolymen qaıtqan ekeý aman-esen oralǵanymen, Aleksandrdan sol kúıi habar joq. Osylaısha, taý qyzyqtaýǵa baramyn dep dosynan kóz jazyp qalǵandar birden qutqarýshylarǵa habarlasqan. Jedel-qutqarý jasaǵy saıahatshyny túnnen beri Úlken Almaty shyńynyń jan-jaǵynan izdep jatyr. Ásirese, Aleksandr jerge túspek bolǵan baǵyt jiti tekserilýde. Alaıda, ázirge esh nátıje bolmaı tur.

-Joǵalǵan saıahatshy týraly aqparat keshe túngi 10-da tústi. Oqıǵa ornyna birden qutqarýshylar jiberildi. Alaıda, ázirge ony taba alar emespiz. Saıahatshydan eshqandaı iz de, belgi de joq. İzdeý sharalaryna tikushaqty qosý úshin tuman kedergi bolyp tur. Sondyqtan, qutqarýshylar jumysqa jaıaýlatyp kirisken, - deıdi QR TJM Respýblıkalyq jedel-qutqarý jasaǵy basshysynyń orynbasary Iýrıı Brýjınskıı.