Qazaqstandyq boksshy Danıar Eleýsinov kásipqoı boksqa aýysatyn boldy. Ol jaqynda AQSH-ta júrgen aǵasy Dáýrenniń janyna barady. Bul týraly amerıkalyq basylymdardyń biri jazdy, - dep habarlaıdy Qamshy.kz BNews.kz - ke silteme jasap.

«25 jastaǵy jartylaı orta salmaqtaǵy qazaqstandyq boksshy Brýklınde (Nú-Iork) promoýtera Lý Dı Bellanyń qol astynda jattyǵý jasap júrgen aǵasy Dáýrenniń janyna baratyny málim boldy», - dep jazypty Boxing News.

Munyń aldynda boksshy aqparat quraldaryna bergen suhbatynda: «Aldaǵy ýaqytta ne bolaryn bir Alla ǵana biledi. Aldyn ala eshteńe aıtpaı-aq qoıaıyn. Ázirge eshbir promoýterden naqty usynys túsken joq» - degen edi.

Tek belgili bolǵany – reseılik Vladımır Hrúnov Eleýsinovpen jumys isteýge daıyn. Bleacher Report portalynyń habarlaýynsha, Eleýsinov kásipqoı boksqa aýysyp jatsa, uzaq jyldar boıy jartylaı orta salmaqtyń úzdigi bolary sózsiz.

Aıta keteıik, Danıardyń aǵasy 31 jastaǵy Dáýren Eleýsinov áýesqoı boksta Qazaqstan chempıony bolǵan. 2014 jyly kásipqoı boksqa aýysyp, búginge deıin bas-aıaǵy 6 kezdesý ótkizdi. Bes qarsylasyn nokaýtpen utty, bir jekpe-jeginde teń tústi