Salmaq ólsheý rásiminen soń Brýk búgingi jekpe-jekte jeńiske jetetinin jáne qarsylasynan qalaıda belbeýdi tartyp alatynyna esh kúmáne joq ekenin málimdedi. Bul týraly Qamshy.kz Vesti.kz silteme jasap habarlaıdy.
“Men Golovkınniń kózinderinen qorqynysh baıqadym. Ol búgingi senbiniń qıynǵa túsetinin biledi. Ony birnárse alańdatyp turǵanyn men sezemin. Ol da meniń kózqarasymnan álemdi tańdandyrǵym keletinin kórdi ”, – dedi Kell Brýk.
Eske sala ketsek, Brýk salmaq ólsheý rásiminde Golovkınnen aýyr bolyp shyqqan edi. Bul onyń orta salmaqtaǵy alǵashqy kezdesýi. Kásipqoı sharshy alańda Gennadıı Golovkın jalpy sany 35 kezdesý ótkizip, onyń barlyǵynda jeńiske jetse, 32 jekpe-jekti merziminen buryn aıaqtaǵan.
Al Kell Brýk 36 ret sharshy alańǵa shyǵyp, onyń barlyǵynda derlik jeńiske jete alǵan. Al 25 kezdesýin nokaýtpen aıaqtapty.
Bul jekpe-jek úshin qos boksshy da ózderi úshin eń joǵarǵy rekordtyq somadaǵy aqsha alady. Kezdesý orta salmaq aıasynda ótetindikten Golovkınge IBO, IBF jáne WBC ataqtaryn qorǵaýǵa týra keledi.
Kezdesý barysynda ıamaıkalyq Marlon Raıt sharshy alańdaǵy tóreshi qyzmetin atqarsa, boksshylardyń is-qımylyn Gýıdo Kavallerı (Italıa), Kreıg Metkalf (Kanada) jáne Benýa Rossel (Kanada) syndy tóreshi mamandar baqylaıdy.
Aıta keteıik, 10 qyrkúıek kúni Londondaǵy O2 arenada ótetin boks keshinde WBA (Super), IBO, IBF jáne WBC nusqalary boıynsha orta salmaqtaǵy álem chempıony Gennadıı Golovkın (35-0, 32 KO) orta salmaqtaǵy IBF tujyrymynyń chempıony brıtanıalyq Kell Brýkpen (36-0, 25 KO) kúsh synasady.
“Qazaqstan”jáne KazSport telearnalary jekpe-jekterdi tikeleı efırde kórsetedi. Boks keshi Astana ýaqytymen túngi 23:00-de bastalady.
