Fılıppın Prezıdenti Rodrıgo Dýterte, 9 qyrkúıekte Manılada Pan Gı Mýndy «aqymaq» dep atady.
Fılıppın basshysy BUU-nyń Bas hatshysynyń esirtki saýdagerleriniń sottan tys ólim jazasyna kesilýine kózqarasy jáne Fılıppındegi adam quqyqtarynń buzylýyna baılanysty ustanymyna osylaı jaýap berdi. Bul týraly «Reuters» habarlaıdy.
«Men ózime, mine taǵy bir aqymaq dedim. Men qylmyskerlerge qarsy kampanıany jalǵastyramyn», — dedi, Fılıppın basshysy.
Esterińizge salaıyq, buǵan deıin Dýterte AQSH Prezıdentin «jezóksheniń uly» dep ataǵan edi. Artynan ol bul sózi úshin AQSH Prezıdentinen keshirim suraǵan. Taǵy belgili bolǵandaı, Fılıppın Prezıdenti Rım Papasy men AQSH-tyń Manıladaǵy elshisin de kemsitetin sózderdi aıtqan kórinedi.
