Úndistanda tórt adam jas áıel men onyń 14 jastaǵy sińilisin sıyr etin jegen degen aıyppen zorlaǵan,- dep habarlaıdy Qamshy.kz saıty  Zakon.kz silteme jasap.

 Qylmys Harána shtatynda oryn aldy, ondaǵy turǵyndardyń kópshiligi musylmandar, oqıǵa eki apta buryn bolǵanmen, ol jaıly qazir ǵana belgili bolǵan. «Olar bolǵan oqıǵany aıtsam meni jáne meniń otbasymdy óltiremiz dep qoqan-loqy kórsetti» ,— deıdi shaǵymdanǵan zardap shegýshi. 20-jastaǵy áıeldiń sózinshe shabýylshylar onyń aǵasy men tátesin ólimshi etip sabap tastaǵan.  

 Kúdiktilerdi ustap, olarǵa kisi óltirdi jáne adam zorlady degen aıyp taǵyldy.  Zábir kórgen áıelder musylman bola tura, sıyr etin jemegenderin  aıtýda. BBC News atap ótkendeı, qylmys oryn alǵanǵa deıin, jergilikti bılik qoı eti degen tamaqta sıyr eti bar-joǵyn polısıa tekseredi  dep málimdegen. Bul etti aýystyrdy degen oqıǵamen baılanysty bolǵan qylmys.  

Úndiler úshin sıyr eń qasıetti janýar, ony óltirýge jáne etin tamaqta qoldanýǵa bolmaıdy.  Sıyr soıýǵa Úndistannyń Batys Bengalıasynan basqa eldiń bárine tyıym salynǵan.

Úndistanda qyzdarǵa zorlyq-zombylyq kórsetý  eń aktýaldy problemanyń biri. 2013 jyly el bıligi mundaı qylmysqa qatysty jazany kúsheıtken bolatyn.  Bul problemanyń  jergilikti jerde ǵana emes, Úndistanda da keńinen kóterilýine 23- jastaǵy stýdent qyz sebepshi bolǵan, ony 2012 jyldyń jeltoqsan aıynda Delı avtobýsynda alty erkek zorlaǵan. Aýyr jaraqat saldarynan jábirlenýshi qaza tapty.

 Aıypty dep tanylǵan alty qylmyskerdiń bireýi túrmede ózine qol jumsasa, tórteýin ólim jazasyna kesti, al taǵy bireýi kámelet jasqa tolmaǵany úshin – úsh jyl túrme jazasyna kesildi.  Aýyr úkimge qaramastan Úndistanda qyz zorlaý  qylmysy azaıyp  jatqan joq.