Túrkıanyń Van shaharynda jarylystan jaralanǵandar sany 48-ge jetti. Eki adamnyń jaǵdaıy óte aýyr dep baǵalanýda. Osyǵan deıin 11 adamnyń jaraqat alǵany habarlanǵan. Jarylys dúısenbi kúni tańerteń oryn aldy, - dep habarlaıdy Qamshy.kz centralasian.org - ke silteme jasap.

Jergilikti BAQ-tyń jazýynsha, jarylǵysh zat salynǵan kólik bıliktiń Ádilet jáne damý partıasynyń aımaqtyq keńsesiniń janynda jarylǵan. Oqıǵa oryn alǵan mańaıda polısıa bólimshesi de ornalasqan. Jaraqat alǵandardyń ishinde eki polısıa qyzmetkeri de bar.

Ázige teraktiniń artynda kim turǵany belgisiz. Birer kún buryn Túrkıa bıligi kúrdter ornalasqan 28 aýdannyń basshylyǵyn qyzmetterinen alǵan. Jumystan qýylǵan sheneýnikter Kúrdistan jumysshylar partıasymen baılanysy bar dep aıyptaldy. Atalǵan partıany Ankara men birqatar Batys elderi terorıstik uıym dep esepteıdi.

Bul ózgerister kúrd halqynyń narazylyǵyn týǵyzǵan.

Sońǵy aılarda Túrkıanyń ońtústik-shyǵysynda jarylystar jıi oryn alýda. El bıligi jarylystardy Kúrdistan jumysshylar partıasy jasap otyr dep sanaıdy.