Qazaq fotojýrnalıstıkasynyń ardageri Nurǵoja Jubanov dúnıeden ótti, - dep habarlaıdy Qamshy.kz.

N.Jubanov 1929 jyly, aqpan aıynyń 12-shi juldyzynda Atyraý oblysynda dúnıege kelgen.

1949-52 jyldary Sovet Armıasy qatarynda áskerı mindetin ótegen.
1956 – 1961jyldar aralyǵynda S.M.Kırov atyndaǵy (qazirgi Ál-Farabı atyndaǵy) Qazaq memlekettik ýnıversıtetin jýrnalıs mamandyǵy boıynsha aıaqtaǵan.

1961 – 2000 jyldar aralyǵynda Respýblıkalyq «Qazaqstan áıelderi», «Shalqar», «Qazaq eli», «Zaman Qazaqstan», «Ulan» gazetterinde fototilshi qyzmetin atqarǵan. 

Tanymal fotojýrnalıst Nurǵoja Jubanov túsirgen fotosýretter keńestik dáýirde elimizdiń gazet-jýrnaldarynda jáne shetel baspasózinde jıi jarıalanyp otyrdy. Ár jyldarda Máskeý, Kanada (Monereal), Japonıada (Osoko) ótken kórkemsýret konkýrstaryna qatysyp fotojumystary joǵary baǵalanǵan.

1989 jyly Máskeýde ótken KSRO fotosýretshiler odaǵynyń sezinde Qazaqstan fotosýretshiler odaǵynyń birinshi hatshysy bolyp taǵaıyndalǵan. 

N.Jubanov eline sińirgen eńbegi úshin KSRO eńbek medalimen, Qazaqstan Joǵarǵy Keńesi gramotasy jáne Qurmet gramotalarymen marapattaldy.

Ol KSRO Jýrnalıser odaǵynyń múshesi, Qazaqstan Jýrnalıser odaǵy syılyǵynyń laýreaty. Qazaqstannyń Mádenıet qaıratkeri. 

Ómiriniń sońǵy kúnderine deıin «FOTOÓNER» qoǵamdyq birlestiginiń, aqyldastar alqasynyń tóraǵasy retinde jastarǵa aqyl-keńes, úlgi – ónege tájirıbelerimen bólisip keldi.