Marat Beketav 2009 jyly Ádilet vıse-mınıstri qyzmetin atqarǵan.  Osy kezde qazirgi mınıstri Beketav mas kúıinde kólik júrgizgeni úshin jaýapqa tartylǵan.

Bul oqıǵanyń sot prosesi KTK arnasynyń arhıvinde saqtalǵan.

2009 jyldyń 19 maýsymynda  Astananyń jol saqshylary kólikti mas kúıinde júrgizdi dep sol kezdegi Ádilet vıse-mınıstri Marat Beketavtyń kóligin toqtatqan. 

Bul kezde japondyq kólikte otyrǵan Marat Beketaev baǵdarshamnyń ruqsat etilmegen belgisine qarsy júrip, jyldamdyǵyn arttyrǵan. Onymen qoımaı, kóshede ashyq jatqan kárizderdiń qaqpaǵyn basyp-janshyp, basqa kólikterge de qaýip tóndirgen.

Basynda jol saqshysyna ishimdik ishkenin moıyndaǵan vıse-mınıstr narkologıalyq dıspanserde saraptama jasatýǵa qarsylyq tanytqan. 
Alaıda 2009 jyldyń shildesinde Astana qalasy aýdanaralyq sotynyń sýdıasy Andreı Dıgant  sot isin toqtatý týraly sheshim shyǵarǵan. Iaǵnı vıse-mınıstr  kinásiz dep tanylǵan.

Osyndaı óreskel qatelikterge jol bergen Marat Beketaev mansap jolynda eshqandaı qıyndyq kórgen emes. Kerisinshe jyldam «ósip» otyr.
2010 jylǵa deıin Ádilet vıse-mınıstri bolsa, odan keıin bes jyl atalǵan vedomstvonyń jaýapty hatshysy boldy. 2015 jydyń jeltoqsanynan bastap Prezıdent ákimshiliginiń jetekshisiniń orynbasary bolsa, endi mine jańa qyzmetke taǵy jaıǵasty.